Hoxe en Compostela, DEBATE SOBRE OS DEBERES ESCOLARES na Cidade da Cultura.

Onde?
Auditorio Neira Vilas
Biblioteca Arquivo de Galicia.

Representando á Confederación ANPAS GALEGAS participará o vicepresidente, Fernando Lacaci.

DEBERES ESCOLARES

1. Qué entendemos por deberes? Sigue lendo

Asemblea xeral do 1 de decembro de 2017


Tivemos a nosa Asemblea Xeral bimestral, como de a cotío, para tratar desta volta da nosa presenza nos diferentes organismos nos que estamos a traballar:

Consello Escolar de Galiza, Consello Galego da Convivencia, Rede Galega de Educación e Desenvolvemento Rural.

Tamén falamos de dúas realidades que afectan ao noso ámbito educativo. Sigue lendo

Quen paga o ensino privado?


Dinos o Instituto Nacional de Estatística, na publicación da súa ENQUISA  DE FINANZAMENTO DOS CENTROS PRIVADOS NON UNIVERSITARIOS 2014-2015, referido ao curso 2014-2015, que a porcentaxe que o Goberno da Xunta de Galiza destina aos centros privados de ensino non universitario é do 60,5 % dos ingresos destes centros, un 6,3 % máis que a media estatal: aquí dámoslle aínda máis cartos ás empresas privadas para que fagan un mellor negocio coa educación, está ben sabelo. Sigue lendo

30 de novembro, e van catro anos

Estamos de aniversario na nosa Confederación, un aniversario formal, que conmemora o día do noso nacemento oficial, aínda que tiñamos xa moitos anos de rodaxe no traballo individual das nosas socias, aí están os 25 anos de FOANPAS para testemuñalo, pero o día que saímos ao público, cun nome que xa tiña todas as beizóns legais, foi un 30 de novembro de hai catro anos. Sigue lendo

Xornadas ANPAS GALEGAS sobre a atención á diversidade en Cee

O obxectivo primordial é xerar un tempo e un espazo no que adquirir coñecementos e aprendermos xuntos, profesorado, nais e pais. Porque a todos nos move un único interese: mellorar as prácticas educativas, atendendo á diversidade do alumnado.
Teremos ao dispor d@s asistentes un servizo de ludoteca, canguraxe, cátering…

PROGRAMA XORNADAS SOBRE A ATENCIÓN A DIVERSIDADE CEE

 

 

Apoio á folga estudantil do 16 de novembro de 2017

A Confederación ANPAS GALEGAS manifesta o seu total apoio á xornada de mobilizacións que se realizará o próximo 16 de novembro no Ensino medio e universitario galego.

Valoramos moi positivamente a implicación da nosa xuventude na demanda dun Ensino de calidade, actualmente comprometido por unha absoluta parálise de todo o que ten que ver co desenvolvemento da LOMCE, Lei que está absolutamente rexeitada pola cidadanía galega e que manteñen falsamente en vigor coa escusa de tramitar un “pacto para a educación” que xa leva acumulado un retraso de máis do duplo do tempo no que se prometeu que vería a luz.

Entendemos tamén que a demanda dunha Lei Galega de Educación, tal e como é obxectivo desta convocatoria de folga, está totalmente compartida por esta Confederación, que de sempre defendeu que o Ensino Público Galego debería ter un corpus normativo propio e adaptado á nosa realidade social e cultural.
Por todo o anterior, animamos á participación, e á mobilización o próximo 16 de novembro.

Javier Sánchez, presidente da Confederación ANPAS GALEGAS 600 699 293
Fernando Lacaci Batres, vicepresidente da Confederación ANPAS GALEGAS 616 610 968